Millət vəkili Fəzail Ağamalı deputat həmkarı Razi Nurullayevin Yaponiya ilə Azərbaycan arasında su təchizatının yaxşılaşdırılması istiqamətində kredit sazişini tənqid edib, qanun layihəsinin əleyhinə səs verməsi barədə səsləndirdiyi fikirlərə sərt reaksiya verib.

ONN media xəbər verir ki, F.Ağamalı Razi Nurullayevin fikirlərinə hörmətlə yanaşdığını desə də, bunun yolverilməz olduğunu bildirib:

"Bu Azərbaycanda həyata keçirilən islahatlara kölgə salmaqdır. Bu gün Azərbaycan və Yaponiya  dünyada yetərincə ciddi qəbul edilən ölkədir. Razi Nurullayev istəsəydi, bu barədə yetərincə məlumat əldə edə bilərdi. Amma onun burada belə bir fikir səslənfirməsi yolverilməzdir"- deputat qeyd edib.

İqtisadi siyasət, sənaye və sahibkarlıq komitəsinin sədri Tahir Mirkişili Razi Nurullayev həqiqətdən uzaq fikir səsləndirir:

"Əgər o istəsəydi, biz ona istənilən məlumatı təqdim edə bilərdik. Ona görə də deyilən fikirləri qəbul etmirəm" - komitə sədri deyib.(ölkə.az)