Dövlət Əmək Müfəttişliyi Xidməti “Əcəmi” Məhdud Məsuliyyətli Cəmiyyəti barədə inzibati protokol tərtib edib. ONN media xəbər verir ki, Nərimanov Rayon Məhkəməsi bu protokola əsasən, şirkəti İnzibati Xətalar Məcəlləsinin 192.1-ci (Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə) təqsirli bilərək 20 min manat cərimə edilməsi barədə qərar çıxarıb. Nərimanov Rayon Məhkəməsinin qərarından verilmiş şikayətə Bakı Appelyasiya Məhkəməsində baxılıb. Hakim Əmir Bayramovun sədrlik etdiyi prosesdə şikayətin təmin edilməməsi barədə qərar çıxarılıb.