"Mən, bir deputat kimi, Facebook səhifəmdə öz təşəbbüsümlə maliyyə hesabatımı yazanda, söyüş söyənləri, qarğış yazanları və lağ edənləri nəzərə almasaq, əsasən müsbət reaksiya almışdım. Bu gün komitəmizin iclasında İntizam Komissiyasının Əsasnaməsi müzakirə olundu və MM-nin payız sessiyası üçün tövsiyə edildi. Orada, başqa şeylərlə yanaşı, deputatların maliyyə hesabatı vermək öhdəliyi yazıldı". ONN media  xəbər verir ki, bu barədə millət vəkili Erkin Qədirli məlumat verib. O bildirib ki, qanun layihəsi qəbul olunarsa, maliyyə hesabatı verməyən deputatlar haqqında intizam icraatı başlana bilər.