Mərkəzi Kahramanmaraşda olan zəlzələlərdən sonra inşa edilən yaşayış evləri sürətlə tamamlanır.

ONN media Türkiyə mediasına istinadən xəbər verir ki, tunel qəlib sistemi ilə inşa edilən, maksimum 5 mərtəbəli və üfüqi arxitekturaya əsaslanan yaşayış evlərinin bəziləri tamamlanaraq qanuni sahiblərinə təhvil verildiyi halda, tikilməkdə olanların tamamlanması istiqamətində işlər fasiləsiz davam etdirilir.

Kahramanmaraşda 15 min 980, Malatyada isə 7 min 881 ev zəzərçəkənlərin ixtiyarına verilib.

Digər tərəfdən, İkizce, Çamurlu və Gelinciktəpə bölgələrində mənzil tikintisi işləri davam edir.

Xatırladaq ki, 6 fevral 2023-cü ildə Kahramanmaraşda baş verən ardıcıl iki zəlzələ 11 vilayətdə böyük dağıntılara səbəb oldu. 50 mindən çox insanın həyatını itirdiyi zəlzələlərin ardından11 vilayətdə mənzil tikintisinə başlanılıb.