Azərbaycanlı rejissor Rodion İsmayılovun "Plaskart" filmi Fransanın paytaxtı Paris şəhərində nümayiş olunub.

ONN media xəbər verir ki, nümayiş INALCO Paris Milli İnstitutunda baş tutub.

Qeyd edək ki, "Platskart" filmi fəal festival həyatı ilə yanaşı, eyni zamanda Rusiyanın bir çox şəhərlərində nümayiş olunub. Avropanın bəzi universitetləri filmlə maraqlanır və film artıq Oksford Universitetində, Sofiya Universitetində, Tayvan Milli Muzeyində nümayiş olunub.

Qarşıda filmin Almaniya, Norveç, Bolqarıstan, Fransa, Estoniya, Serbiya, Finlandiya və başqa ölkələrdə nümayiş olunacağı gözlənilir.

Xatırladaq ki, film Avstriyada əsas mükafata layiq görülüb, 20-dən çox kinofestivalda nümayiş etdirilib, həmçinin çoxsaylı mükafatlar alıb.