"30 ilə yaxın səbir nümayiş etdirən xalq öz məsələsini özü həll edir, Azərbaycan rahat şəkildə Vətən müharibəsini davam etdirərək, qısa zamanda bütün ərazilərimizi işğaldan azad edəcək. Həm savaş meydanında, həm də diplomatik alanda sarsıdıcı, öldürücü çarpaz zərbələrlə qarşılaşan işğalçı ölkə panik duruma düşüb. Əslində, Şanlı Ordumuz bu yaramazlara insanlığa düşmən olmağın, azərbaycanlılara qarşı etnik təmizləmə aparmaq, soyqırımı törətmək, vətəndaşlarımızı doğma torpaqdan didərgin salmağın, əxlaqa, qanuna, beynəlxalq hüquqa tüpürməyin bədəlini ödətdirir. “Güclü erməni diasporu”, “məğlubolunmaz erməni ordusu” kimi miflərdən ayılmalı, haqq yolunda vuruşan güclü Azərbaycan ordusunun qarşısında diz çökməli və məğlubiyyətlə barışmalıdır". ONN media xəbər verir ki, bu sözləri Milli Məclisin Təbii ehtiyatlar, energetika və ekologiya komitəsinin sədri millət vəkili Sadiq Qurbanov deyib. "Eyni zamanda, bu gün Azərbaycan ordusu BMT TŞ-nın, o cümlədən də beynəlxalq təşkilatların deqretasiyaya uğramış mənəvi dəyərlərini, itirilmiş nüfuzunu özünə qaytarır, azərbaycanlı mental təfəkkür dili ilə ifadə etsək, namusunu təmizləyir. Məsələn 27 il bundan əvvəl-1993-cü il noyabrın 12-də qəbul edilən Zəngilan rayonunun işğaldan azad edilməsi ilə bağlı 884 saylı qətnamənin icrasını ordumuz layiqincə yerinə yetirdi. Hazırda qalan digər 3 qətnaməsinin həyata keçirilməsi ilə məşğuldur. Azərbaycan dövləti əlindən gələni edir ki, Azərbaycan vətəndaşları işğal olunmuş və azad edilmiş torpaqlara qayıtsın, rahat və əmin-amanlıq şəraitində yaşasın. Xalqın Ali Baş Komandana olan inamı dövlət siyasətinin gücünü artırır və daha səmərəli edir. Xalq tərəfindən göstərilən etimad böyük qələbəmizi yaxınlaşdırır" - deyə vurğulayıb.